Атиф Саид есімді фотограф Пәкістанның Лахорындағы табиғи қорықта "аң патшасын" жақыннан түсіру үшін көлігінен алысырақ кетіп қалыпты. Арыстан әлгі жігітті Құдайдың нәсіп еткен бір адал ырзығы деп түсініп қалса керек, бас салып жеп қоймаққа тұра ұмтылыпты. Фотограф соңғы сәтте көлігіне қарғып мініпті, бірақ шабуыл алдындағы арыстанның ең бір табиғи портретін түсіріп үлгеріпті. "Е, бәсе" деп қойдым іштей "Әйтпесе барлық суретте арыстан бір самарқау, тоқмейіл, қалғып-мүлгіген маубас хайуан болып көрініп келіп еді ғой". Міне, арыстан деп осыны айт!

Ғалым Боқаштың фейсбук парақшасынан