«Елiмiзде жыл сайын 185 мыңға жуық адам қан доноры болады. Олар шамамен 240 мың рет қан тапсырады. Астанада жылына 35-40 мың рет донация жасалады. Жалпы, 80 мың реципиент жыл сайын 336 мың рет қан құйғызса, Астанада 74 мың трансфузия жасалады», - дедi Шайжамал Мұсабекова.

Маманның айтуынша, осынша донор саны мен донация мөлшерi клиникалардың сұранысын қанағаттандыру үшiн жеткiлiктi. Мұсабекова елордадағы Трансфузиология орталығы 23 клиниканы күнделiктi, тәулiк бойы қан компоненттерiмен қамтамасыз етiп тұратынын айтты. Осындай жұмыс жүйесi Қазақстанның басқа өңiрлерiнде де ретке келтiрiлген.