Австралиядағы Хоумбуш шығанағында 105 жыл бұрын иесіз қалған кеме әлем жұртшылығын таң қалдырып, жергілікті тұрғындардың мақтанышына айналды. 1911 жылы әскер тасу үшін жасалған кеме талай тарихты бастан өткеріп барып, Хоумбуш шығанағынан орын теуіпті.
Кемені пайдаланушылар оны өңдеуге жіберуді ұмытып, осы айлаққа қалдырған. Содан ғасырдан да астам уақыт ішінде кеме ішіне кәдімгі орманды көзге елестетердей көп ағаш қаулап өсіп шыққан.
Кеменің ішіндегі ағаштар оның түбін тесіп, тамырын тереңге жіберіпті. Жергілікті тұрғындар кемедегі орманды шет елден келген қонақтарға мақтанышпен көрсетеді. Әрі оның сақталуына үлкен мән береді. Австралия тұрғындары ерекше орманның сәнін бұзбау үшін ескі кемені орнынан қозғамауды ұйғарыпты.
Ақшолпан НҰРДӘУЛЕТ
