Елімізде шариғат талаптарына сай әзірленген тағам түрлері мен асханалар және мейрамханалар көптеп ашылып жатыр. Бұл жағынан қиындық көріп отырған жоқпыз. Еліміздің әр түкпірінен халал тағам асханасымен бизнесін дөңгелетіп отырған ағайындарға алғыстан басқа айтарымыз жоқ. Десе де осы енді-енді тәй-тәй басып келе жатқан халал белгісі бар өнімдер мен көрсетілетін қызмет түрлерініғ қатарын әлі де толықтыра түсуіміз керек. Мәселен, балалар тағамымен. Дәруменге бай әрі арзан балалар тағамы өндірілсе, жұмысбасты болып немесе түрлі себептермен қолы тие бермейтін ата-аналарға бұл үлкен көмек болар еді.